janicebi的小家

         4月11日，早上9點，開始陣痛，不過只系好似小小噶M痛一樣，我即刻沖涼洗頭，到中午食飯前我發覺“見紅”，哩個系臨產噶先兆，下午就立刻入院了，辦好住院手續后醫生幫我檢查，子宮頸仲未打開，當時陣痛已經消失，不過都知道應該都系哩一兩日生噶喇！醫院規定BB未出世屋企人系唔比陪過夜噶，所以當晚只有我一個人系醫院，覺得好唔習慣，晚上1點鐘陣痛又開始，明顯比早上噶痛，特別系條腰骨，大概10分鐘痛一次，一直到早上9點醫生巡房幫我檢查，天啊，痛咗成晚子宮頸先開咗一指，我已經痛到無曬力了，而且成晚無訓過！醫生開咗支止痛針比我，話等我瞓番兩個鐘咁先有力生，我瞓到下午1點，藥力無曬又開始痛，比之前更加痛，4分鐘痛一次，痛到我系度叫，好想喊但已經無力喊了~媽咪同銠公都系我身邊一痛就幫我按摩腰骨！醫生再黎檢查先開咗三指，我真系覺得好難受好想死啊，痛到頂唔順先開三指咁幾時先開到十指可以生啊？我一直都希望可以順產咁會對BB同自己身體都好，所以我堅持多運動，行樓梯，但到咗哩一刻我竟然求媽咪同銠公比我開刀，我實在頂唔順了~醫生見我咁辛苦提議不如選擇無痛分娩，價錢會貴D，不過無痛分娩唔系代表生果陣唔痛，而系等開子宮口果段時間唔痛，結果下午2點幾我就推入產房，因為我仲未穿羊水，醫生話要睇下羊水清唔清，如果清就可以繼續等待順產，如果唔清就要即刻開刀了，唔系BB會有危險！於是就摞把剪刀系下面伸入去剪咗一下，不過唔痛噶，慶幸噶系羊水好清，跟住系條腰骨中間打咗支針，我就瞓著咗瞓到4點幾，當時醫生檢查我先開到四指，大家都好失望，進展太慢了我可能要開刀，有個主任就話睇定D先比多一個鐘我瞓再睇情況，瞓噶過程中隱約聽到隔離產房個囡又要準備生，但系佢一路喊一路大叫，醫生鬧佢叫佢唔好再大聲叫咁會好曬力噶，但系佢依然繼續，可想而知系有幾痛，我都開始驚了！我瞓到5點47分，發現我子宮頸已經開到十指，全開了！哩個時候剛好系麻藥無曬噶時候，我又覺得超級痛，但要開始自己用力了，半坐狀態然後雙手拉住床噶手臂，雙腳分開撐住鐵板，一痛就即刻大力吸氣好似屙大便一樣咁谷出黎，一唔痛就即刻全身放鬆飲水飲紅牛！不過我中午都痛到無食飯，已經無乜力了，已經一個幾鐘喇都仲未出黎，醫生話如果穿咗羊水兩個鐘BB都唔出黎會缺氧噶，再系咁一系就開刀一系就用產鉗，如果用產鉗系夾住BB個頭出黎噶，佢又傷我下面又傷！當時有成6 7個醫生圍住我，我聽到之後望下個鐘得番半個鐘咋，我就即刻博曬老命咁用力，結果大概10分鐘之後就見到個頭囝喇，醫生就話“唔嚇都唔得噶！”我暈低了````跟住其中一個醫生系我下面打咗支麻醉針然後用剪刀剪咗一下，再叫我用最後一下力，BB出黎果一刻就好似屙咗一大陀屎一樣，成個肚松曬！隔幾分鐘之后仲有個胎盤要出黎，不過無乜感覺噶，然後下面就要縫針雖然都系無感覺不過個醫生系新手而且要縫三層喔佢話所以縫咗成25分鐘！我BB抹完身就抱過黎要我答囝定囡，跟住將佢塊面貼一下我塊面，由於當時我身體虛弱要系產房度吊針一個鐘先可以出病房，我就見到BB系個保溫箱度玩手指！哈哈~可以出病房噶時候就將BB放系我張床被護士推出去，我見到肥爸 媽咪 銠公系出面等緊我，原來佢地系由兩點幾我入產房噶時候就已經一直等！我見到銠公果一刻我好想喊吖~有一種講唔出口噶感覺，我好開心我咁辛苦咁痛咁驚終於為佢生咗個BB，但系又偏偏唔系生個囝，我同佢都好中意囝，一直以為哩個系囝，好想同佢講聲對唔住錒！不過當我見到個BB，系一直系我肚裏面10個月噶BB，系我自己噶一塊肉噶時候，會有種莫名噶開心同滿足感，哩穜感覺系做媽咪先感受得到噶！我銠公真系好錫個BB，我覺得比我仲更加錫更加緊張！到而家生咗小紅豆已經一個星期喇，湊BB真系好辛苦噶，晚晚都無覺好瞓，我胃口又唔好，漲奶又痛喂奶又痛，子宮收縮番又痛，腰骨又痛，下面傷口又痛，又要流惡露！又唔可以洗頭！我就快顛了~我噶情緒仲有好大噶變化，突然間會好唔開心自己偷偷系度喊~我上網查過話系因為産後漢爾蒙噶改變產生噶，所以系正常噶！不過嚴重就會變成産後抑鬱證喇！好辛苦吖~快D坐完月喇！